لا تنتظر من حبيبك شىء مستحيل حتى لا يموت الحب

السلام عليكم ورحمة الله وبركاته

أهلا وسهلا بكم أصدقائى مجددا

حقيقى وحشتونى جديدا وبعد فترة كبيرة من الغياب والبعد عن كتابة الموضوعات والكلمات أقدم لكم :

لا تنتظر من حبيبك شىء مستحيل حتى لا يموت الحب

من الأسباب اللى بتقتل الحب والعلاقة اللى بتبقى بينا وبين اللى بنحبهم هى الطلب لشىء مستحيل او صعب تحقيقة ع الأقل فى فترة معينه او وقت طلبها .. إنك بترمى كل حمولك على اللى بتحبه ودايما فى حالة إنتظار انك تسمع كل كلام الحب وإنه يحللك مشاكلك وإنه هو يكون مصدر لكل فعل .. كتير مننا مبيفكرش حبيبه بعد ليه عنه فترة ليه لما بتصل مثلا مبيقدرش رد عليا لما ببعت رسالة مبيوصلنيش رد وفجأة بعد غياب وبعد أيام ويمكن شهر ويمكن أكتر ويرجع يكلمك تقوم أنت تزعق وتتعصب ومتفكرش الا فى تعبك والمعاناة اللى انت مريت بيها فى غيابه ومفكرتش الاول انك تسأله عن غيابه وانك تعرف ايه المشاكل اللى يمكن يكون وقع فيها .. دى بعض النقط المهمه فى موضوعنا ومن هنا عايز أقول :
الحب مشاركة بين إتنين أو أطراف العلاقة عموما سواء كان فى البيت او مع أصدقائك او مع حبيبك شريك حياتك .
متفكرش فى نفسك طول الوقت وفكر فى غيرك ولو بعض الوقت .
متحاولش أبدا ولا مرة تخون حبيبك لمجرد انه بعد عنك بدون ماتعرف انت سبب او عذره .
خليك دايما كبير بقلبك وعقلك وفكر قبل ماتقول الكلمة اللى يمكن بيها تنهى علاقة عمرها ماهتتعوض تانى .
فكر انك تشارك حبيبك مشاكله وإنك تكون دايما معاه وقت المحنة والوقت الصعب اللى بيمر بيه .
متفكرش أن كل اللى بيبعد عنك بيبقى خلاص هيبيعك وانه خلاص مش راجعلك .
أكتر شىء ممكن يجرح حد بتحبه هو انك تخونه وتظلمه وتوجه ليه تهم مالهاش اى وجود ولا دليل ع إتهامك الا انك بتشك وبس .
لو بتحب فعلا لازم تستحمل وتصبر على اللى بتحبه ودايما تقدر تخلى العلاقة متجددة بإستمرار دايما فيها ندية وقوة بين الطرفين وفى عطاء ووفاء وإخلاص متبادل من الطرفين .

بكلمة وفعل ممكن الحب يكبر ويوصل للسماء ومن الممكن أيضا ان يموت الحب بكلمة وفعل .

الله ينور ي معلم شغل عالى اوى والله يا برنس

تسلم ايدك واحلى تحيه لك